• Басты
  • Астанада Жамбыл облысының мәдениет күндері өтеді

Астанада Жамбыл облысының мәдениет күндері өтеді

18 Сәуір, 2014 10:30
Биылғы жылдың 21-22 сәуірінде Астанада Жамбыл облысының мәдениет күндері өтеді. Бұл күндері көрме және қойылымдар мен концерттік бағарламалар ұйымдастырылады.

Жамбыл облысы әкімдігінің хабарлауынша, 21 сәуірде Қ.Қуанышбаев атындағы Қазақ Академиялық драма театрында Шерхан Мұртазаның «Домалақ ана» қойылымы қойылады.

Осы күні М.Горький атындағы Мемекеттік Академиялық орыс театрында Жамбыл облыстық орыс драма театрының «Тұран Кентаврлары» символикалық драмасының көрсетілімі болады.

Сонымен қатар, 22 сәуірде «Тараз – ғасырлар куәсі» мұражай экспонаттарының театрландырылған көрмесі ұйымдастырылады. Шара Бейбітшілік және Келісімі сарайында өтеді.

Жамбыл облысының мәдениет күндерін Астанадағы Бейбітшілік және келісім сарайында 22 сәуір күні өтетін гала концерт тәмамадайды.

Барлық жаңалықтар