Ұлттық банктің алтын-валюта активтерінің көлемі 7,5%-ға артты - Қ.Келімбетов
16 Сәуір, 2014 14:30
2014 жылдың қаңтар-наурыз аралығында ҚР Ұлттық банкінің алтын валютасындағы активтерінің көлемі 7,5 %-ға өсті. Бұл туралы бүгін ҚР Президенті жанындағы ОКҚ өткен брифингте Ұлттық банктың төрағасы Қайрат Келімбетов мәлім етті.
«2014 жылдың қаңтар-наурыз аралығында ҚР Ұлттық банкінің алтын валюталық активтерінің көлемі 7,5 %-ға көбейіп, 26,5 млрд. долларды құрады», - деді К. Келімбетов.
Сонымен қатар ол, шетелдік валютадағы активтердің өсімін тілге тиек етті.
«2013 жылы Ұлттық қордың шетелдік валютадағы активі 70,5 млрд. долларға дейін артып, өсім 20% құрады. Ал, 2014 жылдың қаңтар-наурыз аралығында 3% құрап, 72,8 млрд. долларға жетті», - деп Ұлттық банктың төрағасы хабарлады.
«Өздеріңізге белгілі болғандай, Елбасының тапсырмасы бар. Осыған орай, жақын арада Ұлттық банк пен Ұлттық қордың біріккен резерві 100 млрд доллар деңгейінедейін көтеріледі деп ойлаймыз», - деп ол өз ойын толықтырды.
