Ұлттық ерекшеліктеріне қарамастан жастар арасындағы сыйластықты сақтап тұру керек – И.Спиридонов
16 Сәуір, 2014 17:00
Ұлттық және діни ерекшеліктеріне қарамастан жастар арасындағы сыйластықты сақтап тұру керек. Осы арқылы қоғамдық келісімді нығайтып, халықтар достығына ұйытқы болу керек, дейді «Яик» фольклорлық-этнографиялық казак орталығының жастар қанаты жетекшісі, БҚО ҚХА жастар қанаты жетекшісі Игорь Спиридонов.
Орал қаласында «Жас Отан» жастар қанаты «Бірлік пен келісім: теңдессіз қазақстандық жол» тақырыбында «Еркін пікір!» пікірталас клубының отырысын өткізді.
«Біздің елдің бейбіт ұлтаралық келісім моделінің тәжірибесі Ұлт Көшбасшысы Нұрсұлтан Назарбаев пен Қазақстан халқы Ассамблеясының ерен еңбегінің арқасы», - дейді пікірталас клубына қатысушылар.
Кездесу барысында БҚО-да өмір сүріп жатқан этномәдени бірлестіктердің ұлттық дәстүрлері апталығын өткізу туралы ұсыныс тасталды.
«Еркін пікір» пәікірталас клубы қатысушыларының айтуынша, клуб жұмысының арқасында өңірдегі жастардың мәселесі анықталып, оны шешу жолдары қарастырылды.
