БҚО билігі үкіметтен тұрақтандыру қорынан астық бөлу тетіктерін қайта қарастыруды өтінді
24 Желтоқсан, 2012 00:00
Батыс Қазақстан облысының басшылығы республика үкіметінен тұрақтандыру қорларынан астық бөлу ретін қайта қарастыруды өтінді.
БҚО әкімі Нұрлан Ноғаевтың айтуы бойынша, «Азық-түлік келісімшарт корпорациясы» ҰК» АҚ Батыс Қазақстан облысына астықты қараша айынан бастап республиканың солтүстік өңірлеріндегі элеваторлардан бөле бастаған.
«Соның салдарынан астық бағасы әр тоннасына 5-6 мың теңгеге қымбаттап, оның соңы 1-сұрыптағы ұн мен нанның, сондай-ақ нан-тоқаш өнімдерінің бағасына әсер етіп, Меморандуммен бекітілген бағаны (1 кг – 47 теңге) өтей алмайтындай жағдай туындатуда. Соған қарамастан Батыс Қазақстан облысының элеваторларында «Азық-түлік келісімшарт корпорациясы» ҰК» АҚ-ның 346 мың тонна астығы жатыр», - деп атап өтті Батыс Қазақстан облысының әкімі Нұрлан Ноғайбаев.
