Б. Әбдрәсілов: 2050 Стратегиясы бойынша терминологиялық сөздікті құру Жолдаудың жүзеге асу тиімділігін арттырады

15 Сәуір, 2014 19:00

Бүгін ҚР Президентінің 2012 жылдың 14 желтоқсанындағы «Қазақстан-2050» Стратегиясы: Қалыптасқан мемлекеттің жаңа саяси бағыты» Жолдауы бойынша терминологиялық анықтамасының таныстырылымы барысында ҚР Президенті жанындағы Мемлекеттік басқару академиясының ректоры Болатбек Әбдрәсілов Стратегия-2050 бойынша терминологиялық сөздікті құру Елбасының халыққа Жолдауының жұмыс тиімділігін арттырады, деп мәлім етті.

««Қазақстан-2050» Стратегиясы - өте үлкен құжат, ол ұзақ жылға есептелген, сонымен қатар, онда еліміздің даму әлеуеті салынған. Кей кездері құжатты алғаш оқығанда ондағы міндеттер іске асырылмайтын іспетті көрінеді. Алайда, Мемлекет басшысы көрегендігінің арқасында ұтымды қадам жасады, яғни ол басқару ғылымында қолданылатын заманауи зерттеулерді пайдаланды», - деп Б. Әбдрәсілов атап өтті.

Өткен жылғы «Қазақстан-2050» Стратегиясы ұзақ жылдарға есептелген басты және стратегиялық құжат ретінде таныстырылды. Ал, биылғы ҚР Президентінің Жолдауында 2014 жылы жүзеге асырылуы тиіс негізгі жоспарлар, мемлекеттік деңгейдегі бизнес жоспарлар көрсетілген.

«Елбасының мемлекеттік жоспарлауда бірінші рет қолданылған жүйесін бірегей олжа деп айтар едім. Қазақстан халықына Жолдауда біз тағыда жаңа мемлекеттік жоспарлау және басқару жүйесіне көшіп жатқанымызға көз жеткіземіз. Менің ойымша, осындай қоса берілетін құжаттардың яғни терминалогиялық сөздіктің пайда болуы стратегиялық құжатты нақты және барынша түсінікті етеді. Демек ол, Жолдау бойынша жұмыстың тиімділігін арттырады», - деп Академия ректоры атап өтті.

Барлық жаңалықтар