«Қазақстан-2050» Стратегиясы ҚР-ның әрбір азаматы үшін түсінікті болуы тиіс – Б.Әбдірәсілов

15 Сәуір, 2014 15:15

Бүгін ҚР Презиентінің 2012 жылдың 14 желтоқсанындағы «Қазақстан-2050» Стратегиясы: Қалыптасқан мемлекеттің жаңа саяси бағыты» Жолдауының терминологиялық анықтамалығының тұсаукесеріне ҚР Президенті жанындағы Мемлекеттік басқару Академиясының ректоры Болатбек Әбдірәсілов «Қазақстан-2050» Стратегиясы ҚР әрбір азаматының түсінуі үшін қолжетімді болуы керектігін айтты.

«Қазақстан-2050» Стратегиясы ғылыми мазмұны мен дайындалуы жағынан өте терең маңыналы құжат. Онда саясаттану, экономика, жаратылыстану ғылымдарының ең соңғы жаңалықтары ескеріліп, жоғары академиялық тілде жазылған. Осы орайда құжатты қарапайым азаматтардың барлығы бірдей түсіне бермеуі мүмкін», - деді ректор.

Сол себепті Академия ректоры аталмыш терминолоиялық анықтамалық арқылы құжат тек саясаттанушылар, экономистер, қоғамдық және мемлекеттік қайраткерлерге ғана емес, сонымен қатар қарапайым халық пен өскелең ұрпаққа да түсінікті бола түспек.

Айта кетейік, терминологиялық сөздікте 2050 Стратегиясының ұғымы қарапайым жазу стилімен түсіндірілген.

« Осы жылғы Жолдаудан біз «Қазақстан-2050» Стратегиясы ұлттық идея екендігін мойындадық. Сондықтан да, терминдер сөздігі біздің халыққа түсінікті болуы үшін қарапайым тілмен жазылған. Халық Стратегиядағы идеялармен біте қайнасып оның жүзеге асуына үлес қосуы тиіс», - деді Б. Әбдірасылов.

Айта кетейік, бүгін «Казконтент» АҚ «Қазақстан-2050» Стратегиясының интерактивті терминологиялық анықтамалығын таныстырды.