Астанада ЭКСПО-2017 арналған бейне- конкурс қорытындыланды

Сайыс 18 наурызда басталды. Әділ қазылар алқасына алдағы «ЭКСПО-2017» Халықаралық мамандандырылған көрмесінің тақырыбын ашатын бейнежазба-жұмыстары ұсынылды, деп Астана қаласы әкімдігінің ресми порталы  astana.kz хабарлады.

«Режиссер мен оператордан тұратын әрбір топ «Энергияның балама көздерін қолдану», «Энергия үнемдеу және табиғат ресурстарына ұқыпты қарау», «Мен ЭКСПО-2017-ні қалай көремін» тақырыптары бойынша 30-40 секундтік креативті бейнежазбасын ұсынды»,- делінген хабарламада.

Шығармашылық байқауда «Бақытты болашағымыз үшін энергияны сақтайық» фильмімен Старчикова Анастасия 1-орынды иеленді. Әділ қазылар алқасы фильмнің идеясы мен орындалуын ерекше атап өтті.

Айта кетейік, сайысқа қатысушылардың жұмыстарын Т.Жүргенов атындағы Қазақ Ұлттық Өнер академиясының белгілі режиссерлері, профессорлары мен доценттері бағалады. Қазылар алқасының мүшелері - режиссер, кино режиссурасы кафедрасының меңгерушісі, доцент Сергей Азимов; режиссура және теледидар кафедрасының меңгерушісі, доцент Ерлан Ақшалов және т.б.