Мәжілісмендер Солтүстік Қазақстан облысының әлеуметтік нысандарын аралады
15 Сәуір, 2014 11:00
Мәжіліс Төрағасының орынбасары Дариға Назарбаеваның жетекшілігінде Палатаның Әлеуметтік-мәдени даму комитеті облыс әкімі Самат Ескендіровтың бастауымен Петропавл қаласында облыстық балалар ауруханасында болды.
Мәжілісте хабарлағандай, тек 2013 жылдың өзінде 2101 пациент ем алды, сонымен қоса 6536 пациентке кеңес берілді. Бөлімшедегі құрал-жабдықтар ағылшын елінен әкелінген. 1-3 жас аралығындағы тірек-буындары науқасқа ұшыраған балақандарды KIDS тренажерлар сериясымен емдейді. Ауруды ерте анықтаған соң дәрігерлер мен педагогтар бірлесіп арнайы бағдарламамен емге кіріседі. Кішкентай пациенттер үшін бассейн және тұз шахтасы, электронейромиография бөлмелері қарастырылған. Биылғы жылдың қаңтарынан галокамера іске қосылған.
Аталмыш мекемеде оңалту бөлімінің жабдықталуымен танысып, кішкентай балалармен кездесті.Енді осы оңалту бөлімшесінде Орталық жүйке жүйесі зақымданған балалардың ден-саулықтарын қалпына келтіруге зор мүмкіндіктер туылып отыр.
