ШҚО-да демеушілік қаржыға спорт кешені салынды

ШҚО Абай ауданының Қарауыл елді-мекенінің жергілікті жұрты өз жерлесінен сыйлық алды. Кәсіпкер Шыңғыс Құлжанов өзінің туған ауылында құлағалы тұрған  нысанның орнына екі қабатты спорт кешенін тұрғызды.  Жалпы құрылыс жұмыстарына барлығы 120 млн. теңге жұмсалды, деп ШҚО Ақпараттық орталығынан хабарлады.

«Кешен барлық талаптарға сай және бізге көптеген талантты спортшыларды тарту етеді», - деді спортшы Дамир Әсемханұлы.

Жаттықтырушылардың болжамы бойынша, жаңа залдың ашылуына байланысты келушілер саны ең аз дегенде екі есе өсуі керек.  Қазақша күрес, тоғыз құмалақ, бокс, күрес сынды танымал залдарға бодибилдинг  үйірмесі қосылды.  Спорткешені барлық жастағы жаттығушыларға есептелген.