ҚР Президенті мен Бахрейн Королі бірқатар құжаттарға қол қойды

Ақорданың баспасөз қызметінің хабарлауынша, келіссөздер нәтижесінде екі Мемлекет басшысының Бірлескен мәлімдемесі қабылданып, төмендегі құжаттарға қол қойылды: Қазақстан Республикасы Сыртқы істер министрлігі мен Бахрейн Корольдігі Сыртқы істер министрлігінің арасындағы екіжақты кеңес беру бойынша өзара түсіністік туралы меморандумы; Қазақстан Республикасы Индустрия және жаңа технологиялар министрлігі мен Бахрейн Корольдігінің Индустрия және коммерция министрлігінің арасында өнеркәсіп, инвестиция мен шағын және орта кәсіпкерлікті дамыту салаларындағы өзара ықпалдастық меморандумы; Қазақстан Республикасы Ауыл шаруашылығы министрлігі мен Бахрейн Корольдігі Индустрия және коммерция министрлігі арасында азық-түлік қауіпсіздігі бойынша өзара ықпалдастық меморандумы.