Қостанай облысында «Этномәдени экспедиция» жобасы іске асырылуда
11 Сәуір, 2014 17:45
Бүгін ҚР Президенті жанындағы Орталық коммуникациялар қызметінің брифингінде Қостанай облыстық Мәдениет үйінің директоры Антон Труханов «Этномәдени экспедиция» жобасының орындалу барысы туралы айтты.
«Осыдан бірнеше жыл бұрын біз облысымыздың аудандары мен қалаларында қызмет етіп жатқан этномәдени бірлестіктермен танысу және байланыс орнату мақсатымен «Этномәдени экспедиция» жобасын қолға алдық. Белгілі бір кесте бойынша сыртқа шығып, соның аясында біз облыстық қалалары мен аудандарының этномәдени бірлестіктері өкілдерімен дөңгелек үстел ұйымдастырдық», - дейді А.Труханов.
Оның айтуынша, Қостанай қалалық білім беру бөлімі балаларда төзімділік қалыптастыру бойынша тұтастай жоба дайындаған.
«Барлық мектеп бағдарламаларында осы курс өткізілуде», - дейдіА.Труханов.
Мәдениет үйі директорының айтуынша, Қостанай облысынан Қазақстан халқы Ассамблеясы сессиясына шамамен 30 шақты адам қатыспақ.
