А. Труханов: Қостанай облысындағы Достық үйі – әлеуметтік бастамалар орталығы
11 Сәуір, 2014 16:20
Біз әлеуметтік бастамалар мен ресурстар орталығы қызметін атқарамыз. Бұл туралы Қостанай облыстық Достық Үйінің директоры Антон Труханов бүгін Орталық коммуникациялар қызметінің брифингінде мәлімдеді.
«Қостанай қалалық Білім бөлімі толеранттылыққа тәрбиелеу жөніндегі үлкен жоба әзірледі және ол жоба тек мектепалды және кіші мектеп жасындағы сыныптарға ғана арналып отырған жоқ. Бұл курс бүкіл мектеп бағдарламасын қамтып отыр»,- деді А.Труханов өз сөзінде.
Оған қоса ол Қостанай облысында бүгін 60 этномәдени ұйым қызмет істейді.
«Олардың ішінде 18-і облыс орталығында. 45 адам ҚХА мүшелері болса, 18 адам республикалық ҚХА мүшесі болып табылады. Этномәдени ұйым өкілдері ауыл шаруашылығы мен инновациялық даму және медицина, спорттың жетістігімен өздерін тікелей байланыстырады», - деді А. Труханов.
