ҚР-да бірыңғай ақпараттық кеңес беру жүйесі құрылады - Б.Сағынтаев

11 Сәуір, 2014 16:45

Қазақстанда бірыңғай ақпараттық кеңес беру жүйесі құрылады. Бұл туралы бүгін Ұлттық инвесторлар кеңесінде ҚР Премьер-Министрінің бірінші орынбасары Бақытжан Сағынтаев мәлім етті.

«Экономиканың басты бағыттарына инвестиция тартуды ынталандыру мақсатында индустриалды аймақтарды дамыту бойынша жұмыстар жүргізіліп жатыр. Биылғы жылы «Бизнестің жол картасы - 2020» бағдарламасы шеңберінде 15 индустриалды аймаққа сыртқы инфрақұрылымдары жүргізілді. Сонымен қатар, индустриялизацияның екінші бес жылдығымен бірге «БЖК» маңыздылығы арттырылуда», - деді Б. Сағынтаев.

Белгілі болғандай, бүгінде барлық ірі және моно қалаларда кәсіпкерлерге қызмет және қолдау көрсету орталықтары ашылған.

«2014 жылдың 1 шілдесіне дейін мұндай орталықтарды аудан орталықтары мен шағын қалаларды ашуды жоспарлап отырмыз. Сонымен қатар, дәл осы мерзімге дейін жас кәсіпкерлікті дамыту бойынша жастарға арналған жас кәсіпкер мектебін аудандарда құру жоспарлануда», - деп бірінші вице-премьер хабарлады.

«Аталмыш шаралардың нәтижесінде бірыңғай ақпараттық кеңес беру орталығы құрылады. Ол өз кезегінде бизнесті ашу және оны жүргізу құжатнамасы, мемлекеттік қолдауды алу жөнінде ақпарат пен кеңес алу мүмкіндігін арттырады», - деп ол толықтырды.

Барлық жаңалықтар