А.Дауылбаев Чехия Әділет министрлігі басшылығымен кездесті
10 Наурыз, 2013 00:00
Бас Прокурор Асхат Дауылбаевтың Чех Республикасына сапары барысында Чехия Әділет министрлігінің басшылығымен кездесуі өтті, деп хабарлайды ҚР Бас прокуратурасының баспасөз қызметі.
Бұл сапар қалыптасқан жемісті қарым-қатынастарды әрі қарай дамытуда қол жеткізілген нәтижелердің көрінісі болып табылатыны атап өтілді.
«Кездесу барысында тараптар күн тәртібінде белгіленген өзекті мәселелер бойынша сұхбат алмасып, ой-пікірлерін ортаға салды. Сұхбаттың тақырыбы Қазақстан мен Чехия арасындағы шарттық-құқықтық базаны кеңейту мәселелеріне қатысты болды. Чехия тарапы жақын арада Қылмыстық істер бойынша өзара құқықтық көмек көрсету туралы мемлекетаралық шартқа қол қоюға дайын екендіктерін мәлімдеді», - делінген хабарламада.
Қазақстанның Бас Прокуроры екі мемлекеттің трансұлттық қылмыстарға қарсы әрекет ету күшін одан әрі біріктіре түсетін құжатқа қол қоюдың маңызды екенін атап көрсетті.
