Депутаттар «жасыл» заңнаманың еуропалық тәжірибесін зерделейді
11 Сәуір, 2014 11:30
Мемлекет Басшысының тапсырмасын орындау үшін және ҚР-ның «жасыл» экономикаға көшу жөніндегі Тұжырымдамасын ойдағыдай іске асыру мақсатында ҚР Қоршаған орта және су ресурстары министрлігі (ҚР ҚОСРМ) «Жасыл Академия» Ғылыми-білім беру орталығымен бірлесіп, Астанадағы ЕҚЫҰ Орталығының қолдауымен ҚР Парламентінің депутаттары үшін «Жасыл» экономика саласында заңнамалық базаны жетілдіру» тақырыбына семинар-тренинг өткізеді.
Ұйымдастырушылардың айтуынша, семинардың мақсаты - «жасыл» экономика әдіснамасы саласында хабардар болуды және «жасыл» экономика принциптерін экономикалық саясатқа енгізуді нормативтік-құқықтық қамтамасыз етудің еуропалық тәжірибесін арттыру.
Семинар бағдарламасы мынадай тақырыптарды қамтиды: «жасыл» экономикаға көшудің еуропалық тәжірибесі,ҚР-да «жасыл» экономиканы дамытудың жай-күйі мен келешегі,табиғи ресурстарды тиімді пайдалануды құқықтық реттеу тетіктері,ҚР-ның «жасыл» экономикаға көшу Тұжырымдамасын іске асыру процесін нормативтік-құқықтық қамтамасыз ету.
Семинар жұмысына ұлттық және халықаралық сарапшылар қатысады.
