«Нұр Отан» әлеуметтік желілерде ұрпақтар сабақтастығы туралы үздік постқа байқау жариялады

10 Сәуір, 2014 15:45

«Нұр Отан» партиясы «Ардагерлерді ардақтайық» жобасын жүзеге асыруды бастады. Жоба аясында 10 сәуір мен 9 мамыр аралығында Фейсбук, Вконтакте және Инстаграм әлеуметтік желілерінде «Аға буын – ғасырдан жеткен даналық» тақырыбына үздік әңгімеге байқау өтеді.

Қарттарға және ата-баба мұрасына құрмет, аталарымыз бен әкелеріміздің ерлік естері туралы естелік – міне, қазақстандық қоғамның осы асыл құндылықтары байқауға арқау болады, деп партияның ресми порталы хабарлады.

«Тәуелсіздіктің ұрпағының санасында аға буынға деген қамқорлық пен құрмет сезімін сақтап, оны дамыту өте маңызды. Қазіргі жаһандану жағдайларында ұлттық құндылықтарға сын сағаты туып отыр, талай ғасырлық тарих тәжірибесіне негізделген принциптер алмасып, мүлдем жоғалуда», – дейді байқаудың ұйымдастырушылар.

Байқауға кез-келген үміткер қатыса алады. Пост жазуда жанрлық шектеу қойылмайды. Әңгіме, эссе, өлең-жыр, фотосурет және т.б. түрінде болуы да мүмкін.Пост (немесе фотосурет) мазмұны автордың өміріндегі аға ұрпақтың ролі туралы баяндауы тиіс. Шығарма кейіпкері байқауға қатысушының өміріндегі қызықты оқиға немесе таныстық байланыстыратын ата-бабасы, туған атасы мен әжесі, ардагерлер, аға буын өкілдері бола алады.

Жеңімпаздарды марапаттау 8 мамырда өтеді.

Барлық жаңалықтар