«Астана» президенттік кәсіби спорт клубы Түркияда таныстырылды

10 Сәуір, 2014 17:45

Белек қаласында өткен «СпортАккорд 2014» халықаралық спорттық конвенция шеңберінде халықаралық сарапшылар қоғамына «Астана» президенттік кәсіби спорт клубы таныстырылды.

«Астана» ПКСК делегация құрамында Олимпиада чемпиондары Юрий Мельниченко, Валерий Тихоненко, Александр Винокуров, Илья Ильин, сонымен қатар «Астана» ПКСК Қамқорлық кеңесінің мүшелері болды.

Таныстырылым барысында «Астана» ПКСК туралы жан жақты мәлімет беріліп, оның болашаққа деген жоспарлары да тілге тиек етілді, деп спотрклубының баспасөз қызметінен хабарлады.

« «Астана» ПКСК» тікелей мемлекет басшысының қолдауымен құрылды, бұл өз кезегінде биліктің спорт танымалдылығын арттыруға және спорт менеджментінің халықаралық тәжірибелерге сүйене отырып жақсартуға үлкен көңіл бөліп жатқанын көрсетеді», - деп «Самұрық-Қазына» АҚ қоғаммен байланыс бойынша директоры, «Астана»ПКСК» Қамқорлық кеңесінің төрағасы Дархан Қалетаев атап өтті.

Сонымен қатар ол, «Астана»ПКСК» құру туралы бастаманы әлемнің жетекші спорттық ұйымдары үлкен қуанышпен қарсы алғанын тілге тиек етті.

Осы ретте, Д.Калетаев «Астана»ПКСК - «Астана» брендімен өнер көрсететін еліміздің жетекші спорт клубтарының бірлестігі екенін еске солды.