• Басты
  • ҚР-да арнайы қажеттілігі бар адамдардың әл-ауқатын жақсарту бағдарламасы іске қосылды
9 Сәуір, 2014 15:30

ҚР-да арнайы қажеттілігі бар адамдардың әл-ауқатын жақсарту бағдарламасы іске қосылды

Бүгін Астанада «Шырақ» мүгедектігі бар әйелдердің қауымдастығы» ҚБ «Даму» кәсіпкерлікті дамыту қоры» АҚ-мен серіктестігі бар «Би Джи Қазақстан» компаниясының қаржылай көмегінің арқасында «Арнайы қажеттілігі бар адамдардың әл-ауқатын жақсарту» жобасын іске қосты.
ҚР-да арнайы қажеттілігі бар адамдардың әл-ауқатын жақсарту бағдарламасы іске қосылды

« «Даму-Көмек» мүгедектігі бар кәсіпкерлерге қолдау көрсету» жобасы еліміздегі аса маңызды проблема – кембағал жандарды жұмысқа орналастыруға көмектеседі. Дәл осы жағдайда бағдарлама сөйлесу алаңына айналды, яғни ол бүгінде жұмыс істеп жатқан немесе алдағы уақытта кәсібін ашқысы келген мүгедектігі бар кәсіпкерлерге өздерін толғандырып жүрген мәселелерді ашық айтып сол арқылы демеушілік көмек тартуда септігін тигізуде», - деп «Даму» кәсіпкерлікті дамыту қоры» АҚ Басқарма мүшесі Ғабит Лесбеков хабарлады.

Жобаға қатысуға өтініш қабылдау 2014  жылдың 1 мамырында басталады.

Пилоттық жоба Қазақстанның үш аймағында - Алматы, Астана және Батыс Қазақстан облысында жүзеге асырылады.

Қордан хабарлағандай, жобаның мақсаты мүгедектігі бар азаматтардың өз әл  ауқатын кәсіпкерлік немесе өзін-өзі жұмыспен қамту арқылы жақсартқысы келетіндерге қолдау көрсету.

«Ал, жобаның негізгі бағыты жарымжан жандарға кәсіпкерліктің қыр- сырын үйрету, заң және салық салалары бойынша жекеше консультация өткізу және бизнес-жоспар жасауға көмектесу, сонымен қатар кәсіпкерлік қызметті бастамас бұрын қажетті құрал жабдықтарды алуға септігін тигізу», - деп «Шырақ» мүгедектігі бар әйелдердің қауымдастығы» ҚБ төрағасы Ләззәт Қалтаева ағынан жарылды.

Барлық жаңалықтар