ҚР-да 6 жыл өту кезеңі ішінде ДСҰ тұрғысында заңды отандық қайта өңдеу саласына қолдау көрсету тәсілдері жасақталады - Ж.Айтжанова
«Қазақстанның аумағында тіркелген және жұмыс істеп жатқан 10 экономикалық аймақтың резиденттері үшін өту кезеңі 2017 жылдың 1 қаңтарына дейін бекітілді. Кедендік одақ аясында дәл осындай келісім бар. Демек, біздің келісімдеріміздің арасында арақатынас орнатылады»,- деді ол.
Сонымен қатар, оның айтуынша, Қазақстанда ДСҰ мүше негізгі мемлекеттермен келісім-шарттарда жер қойнауын пайдалануда қазақстандық қамту туралы келісім бар.
«Бізде жер қойнауын пайдалану - экономиканың негізгі секторы және шетелдік, отандық инвесторлармен келісімге отыру барысында тауарды немесе қызметті сатып алу үшін отандық жеткізушілермен және өндірушілермен жұмыс істеу туралы қазақстандық қамту шарты бар», - деп министр хабарлады.
Ол атап өткендей, қызмет көрсету бойынша жеңілдіктер ДСҰ енгеннен кейінде қала бермек.
«Бұл ДСҰ келісіміне қарама-қайшы келмейді. Ал, тауарға қатысты айтатын болсақ, ол ДСҰ негізгі келісіміне сай емес. Сондықтанда біз ену үшін 6 жылдық өту кезеңі туралы келістік. Осы алты жыл ішінде біз ДСҰ қағидаттарына қарсы келмейтін баламалы және заңды отандық қайта өңдеу саласына қолдау көрсету тәсілдерін жасақтаймыз», - деп ол толықтырды.
