Елордада «Астана Таңдауы» конкурсына өтініш қабылдау басталды

«Бәйтерек» медиаорталығында хабарлағандай, өз тағдырын сынағысы келген жан бүгіннен бастап 31 мамырға дейін өтініш жібере алады. Олар tandau@astana.kz электронды адресіне өтініш хатын жіберуі қажет. Өтініштердің барлығы қабылданған соң, Астана қаласы әкімдігінің ресми сайтында жарық көреді. Бұл жерде ашық түрде дауыс беру 1 мен 25 маусым аралығында өтеді. Конкурс жеңімпазы максималды жиналған дауысқа байланысты таңдалады. 

Естеріңізге сала кетейік, Астана қаласы әкімінің ұсынысымен  құрылған «Астана Тандауы» байқауы  ең қажетті мамандықтар бойынша үздік маманды   «Педагог», «Қоғамдық көлік жүргізушісі» , «Учаскілік инспектор», «Дәрігер», «Энергетик», «Жол жөндеуші» және «Құрылысшы» номинациялары бойынша анықтауға арналған.    Жалпықалалық  «Астана Тандауы» байқауы - біз күн сайын тап болатын қарапайым адамдардың жанкештілігі мен ерлігі. Өздерінің еңбекқорлығымен, мақсатқа ұмтылу әрекеттерімен олар тұрақтылық  пен  қоғамның өркендеуі, еліміздің болашағының кірпішін қалап келеді.