Астанада Дүниежүзілік денсаулық күні тойлануда

Акцияға қатысушыларды Дүниежүзілік денсаулық күнімен ҚР ДСМ, «Нұр Отан» партиясының және жас толқынның өкілдері құттықтады.

«Астаналық «ASTANA MALL» СО 1 қабатында біздің волонтерларымыздың қатысуымен шара жоспарланған. Олар денсаулықты сақтауға және күтуге арналған флеш-мобтар. Ал, ғимараттың 3 қабатында қалалық емханалар ашық есік күндерін өткізеді. Онда ақысыз түрде терапевт, педиатр, психолог, әлеуметтік қызметкерлерден кеңес алуға болады. Тіпті, ниет танытқандар қан қысымы мен холестерин көлемін өлшетуіне, сонымен қатар антропометриялық мәліметтерді де білуіне мүмкіндік бар», -  деп ҚР ДСМ медициналық көмекті ұйымдастыру департаменті директоры Ажар Төлеғалиева хабарлады.

Бұдан басқа, бүгін «ASTANA MALL» СО сағат 15:00-ден 19:00-ге дейін  концерттік бағдарлама, спорттық мектептердің шеберлік сабақтары және викториналар өтеді.

Айта кетерлік жайт, қаланың барлық емханаларында Ашық есік күндері өтуде. Азаматтар медициналық профилактикалық тексеруден өте алады.

Естеріңізге сала кетейік, жыл сайын 7 сәуірден бастап  1948 жылы құрылған Дүниежүзілік денсаулық сақтау ұйымының құрылуына орай Дүниежүзілік денсаулық сақтау күні тойланады.