МГМ: 2013 жылдың қорытындысы бойынша ең көп мұнайды Қазақстан Италияға экспорттаған

«Әлемдегі қазіргі жағдай транспорттық бағыттардың әртараптандыру үрдісін көрсетеді. Қазақстан әлемнің 30 еліне мұнай сатады. 2013 жылдың қорытындысы бойынша сыртқа тасымалданған қазақстан мұнайының 27%-ы Италияға тасымалданса, Қытайға 17%, Нидерландыға13%, Францияға 9% және Австрияға 7%», -дейді министр.

Осы орайда, оның айтуынша, өткен жылы тасымал 28,7 млн тоннаны құрап, жалпы экспорттың 40%-ына жеткен. Атырау-Самара бағытында 15,4 млн тонна (21 %), Атасу-Алашанькоу 11,8  млн тонна (17 %), Ақтау порты арқылы 6,3 млн тонна (9 %) мұнай, Орынбор ГӨЗ-на 856 мың тонна конденсат (1 %), тағы 9 млн тоннатемір жол арқылы жіберілген (12 %).

«Былтыр «Бозой-Шымкент» учаскісінде «Бейнеу-Бозой-Шымкент» кең көлемді жобасын іске асырудың бірінші кезеңі аяқталды. Аталмыш кезеңде жылына 2,5 млрд метр куб көлеміндегі қуаттылыққа қол жеткізілді. Алдағы уақытта бұл көрсеткішті 10 млрд метр кубқа дейін өсіру жоспарланған. Жобаның іске асырылуы ҚР-ның оңтүстік аумағын газбен қамтамасыз етуге мүмкіндік беріп, еліміздің 500-ден астам елді-мекеніне көгілдір отын жеткізбек.

Сонымен қатар, Атырау облысындағы интеграцияланған газ-химиялық кешені жобасы бойынша жұмыстар жалғасуда. Бірінші фазаның іске асырылуы екі бағытта өрбуде: инфрақұрылым мен өндірістік нысандар. Жоба кестеге сай жүргізілуде және министрліктің тұрақты қадағалауында.