«Астана Опера» театрының солистері итальяндық маэстро Марко Боэмидің шеберлік сабағынан өтті
7 Сәуір, 2014 09:30
«Астана Опера» театрының өнер иелерінің вокалдық мүмкіндіктерін шыңдау мақсатымен «Астана Операға» дирижер, пианиношы, көрнекті маэстро Марко Боэми шақыртылды.
Ол «Астана Операға» алғаш рет өткен жылдың қазанында әлемдік тұсаукесер барысында келіп, солистерді «Аттила» операсына дайындаған еді, деп театрдың баспасөз қызмектінде хабарлады.Ол кезде Марко Боэми опералық труппаның санаулы орындаушысымен жұмыс жүргізген.
Қарқынды шеберлік сабағынан кейін Марко Боэми операның жетекші солистері: Жұпар Ғабдуллина, Әлфия Кәрімова, Дина Хамзинаның дарынына, сондай-ақ жетекші солистер Медет Шотабаев пен Талғат Мұсабаевқа жоғары баға берді.
Марко Боэми ең танымал опера жұлдыздары: Лучано Паваротти, Чиарелли, Елдар Әбдіразақов, Бурчуладзе, Бурдино, Елена Образцова және басқаларымен жұмыс жүргізген.
