Атырауда ҚР Президентінің Жолдауын қолдау мақсатында жастар форумы өтті

Форумға қала жастары, студенттер, ұстаздар, жастар қоғамдастығының көшбасшылары қатысты, деп облыс әкімдігінде хабарлады.

«Ел Президенті Нұрсұлтан Назарбаев бұқараға дәстүрлі Жолдауы арқылы Мәңгілік Ел идеясын жариялай отырып, оны жүзеге асырудың негізгі тетіктерін айқындап берді. Біздің алдымызда тұтас қоғамдық сананы өзгерту міндеті тұр. Біз өркениетті елдер шоғырына ілігуге ұмтылуға тиіспіз",-деді ол  Атырау облыстық білім беру басқармасы басшысының орынбасары.

"Сол үшін де Елбасы жастарымыздың болашағын бәсекеге қабілетті, кәсіби мамандар ортасы ретінде көретінін атап өтті. Әрі біз Отанымыздың патриоты болуға тиіспіз. Отанды сүю жүректен басталады. Адамгершілік, мораль, имандылық қасиеттер де жастарымыздың бойынан табылуы қажет» деген ол елді ұлы мұратқа апарар жолдың бүгіннен басталатынын айтты», -деді  Махамбет атындағы қазақ драма театрында өткен форумда Атырау облыстық білім беру басқармасы басшысының орынбасары Шәкіржан Мырзағалиев.

Сондай –ақ, қазақ елінің болашаққа үміті де, сенімі де зор. Өйткені, біз егемендік елең-алаңында мемлекеттіліктің негізін берік қалау сынағынан мүдірмей өттік. Енді біз ел дамуының басты бағдаршамына айналған Мәңгілік Ел идеясын жүзеге асыруда білім-ғылымға ұмтылумен қатар, ұлттық болмысымызды сақтап қалуға күш салуымыз қажет» деп баяндалды форумда.

« «Иверия» грузин этно-мәдени бірлестігінің төрағасы Зураб Бобохидзенің пікірінше, біздің күш-қуатымыз - бірлігі-мізде. Ендігі жерде жастарымыз мол табиғи ресурстарды, ұлан-ғайыр жерімізді ел игілігі үшін ұқсатып пайдалана білуі қажет» ,-деді  Форум барысында сөз алған Х.Досмұхамедов атындағы Атырау мемлекеттік университетінің проректоры Аққали Ахмет.