Қазақстан мен Куба спорт саласында келісімге келуге ниетті
Ведомствоның хабарлауынша, кездесу барысында екіжақты әріптестік пен ҚР Спорт және дене шынықтыру агенттігі мен Куба Республикасы Ұлттық спорт, дене шынықтыру тәрбиесі мен демалыс институты арасында спорт саласында Келісімге қол қою мәселелері талқыланды. Келісім халықаралық байланыстарды орнату мақсатымен дайындалып, спорт саласында әріптестік байланысты нығайтып, жоғары білікті сұранысқа ие мамандарды дайындауда тәжірибе алмасуға жол ашып, екіжақты қатынасқа бұрынғыдан бетер қан жүргізбек.
Куба тарабынан қол қоюшы Куба Елшісі Карлос Энрике Валдес Де Ла Консепсион, ол аталмыш қолды қоюға барлық құзіретке иелік етеді.
«Келісімге келуіміз спорт саласындағы екіжақты байланысты бұрынғыдан бетер нығайтып, қазақстандық спортшылардың шеберліктерін арттыруға мүмкіндіктер ашып, жалпы Мемлекет басшысының 2050 Стратегиясында айтылған міндеттемелерді іске асыруға оң әсерін тигізеді», - дейді Агенттік төрағасы Тастанбек Есентаев.
