БҚО-да Кәсіпкерлер проблемасының картасы жасақталды

«Аталмыш карта  кәсіпкерлер проблемалары мен әкімшілік кедергілерді  шешу бойынша жұмысты жоспарлап, сонымен қатар проблемаларды толығымен жою үшін жұмысты мақсатты және жүйелі түрде жүргізуге мүмкіндік беретін құжат. БҚО кәсіпкерлері проблемаларының картасы Кәсіпкерлер палатасының қызметінің қорытындысы және алдағы уақытқа жұмысты жоспарлауға негіздеме», - деді БҚО Кәсіпкерлер палатасының директоры Кеңес Аб¬са¬ты¬ров.

ҚР Ұлттық кәсіпкерлер палатасының ресми порталы хабарлағандай, кәсіпкерлер палатасы бизнесмендерді толғандырып жүрген мәселелерді жүйелеп, оларды үш топқа топтастырды. Бірінші топқа  шешіліп қойған немесе жергілікті деңгейде шешуге болатын проблемалар жатқызылған.

Екінші кезектегі проблемаларға - ҚР ҰКП шешу үшін  қолданыстағы жер, кеден және салық заңнамасына және ҚР «Мемлекеттік сатып алу туралы», «Жер қойнауын пайдалану туралы» заңдарына өзгертулер мен қосымшаларды  енгізуді ұсынған проблемалар жатады.

Үшінші тізімдіге проблемалар республикалық деңгейде шешілуі тиістілер. Сондықтанда оларды Ауылшаруашылығы министрлігі және ҚР Қаржы министрлігінің кедендік бақылау комитетімен бірлесіп шешу үшін Ұлттық кәсіпкерлер палатасына үндеу жіберілді.