Универсиада -2017 жобасы Алматыны тау шаңғысы туризмінің орталығы етуге шақырады – Қ.Закирьянов

«2017 жылы Алматыда өтетін Дүниежүзілік Универсиада, өздеріңізге де белгілі болғандай, тек 11 күнге ғана созылады. Сол себепті FISU-де «Универсиада қалдықтары» атты керемет бағдарлама бар. Басты сұрақ: Универсиададан кейін не болады?», - дейді Қайрат Закирьянов.

Осы сауалға жауап бере отырып ҚР Студенттер спорты ұлттық федерациясының президенті Сочидегі Қысқы Олимпиададан мысал келтірді.

«Мысалға, Сочиде Қысқы Олимпиада ойындары өтті. Біз облыс спорты ғалымдары біздің спортшылардың сәтсіздіктері мен жетістіктеріне сараптама жасай келіп, мынадай тоқтамға келдік. Басты кемшілік спортқа деген ғылыми ресурстың жоқтығы. Сол себепті біздің бүгінде талқылап отырған басты ұсыныстарымыздың бірі Алматыдағы Дүниежүзілік Универсиаданың мұрасы ретінде спорт ғылыми-зерттеу институтын құру», - дейді.

Естеріңізге сала кетейік, 2001 жылы ҚР Президентінің Қаулысымен күшіне енген дене шынықтыру және спортты дамыту бағдарламасы нақтыланды.

«Бұл құжатта осындай институт құру айтылғанымен, өкінішке орай, 13 жылдан бері бұл бастама аяқсыз қалып, қазақстандық спорттың дамуына кедергісін келтіріп жатыр», - дейді Қ.Закирьянов.

Енді, оның айтуынша, Алматыда өте ірі жоба қолға алынбақ. Ол оңтүстік астанамызды тау шаңысы спорты бойынша әлемдік орталық етпек.

«Біз Универсиада мұрасы ретінде тау және тау шаңғысы туризмінің ғылыми институтын құруды ұсынамыз. Көп шығындалудың да қажеті жоқ. Онсыз да салынтын ғимараттардың ішінен бізге бірнеше шаршы метр ғана орын керек», - дейді Қ.Закирьянов.