ҚР Парламенті Мәжілісінің Төрағасы болып Қабиболла Жақыпов тағайындалды

«Есеп комитетi Қабиболла Қабенұлы Жақыповтың кандидатурасына берiлген дауысты есептедi. Дауыс беру үшiн 105 бюллетень таратылды. Есептеу кезiнде 104 бюллетень анықталды. Қолдағандар – 103, қарсы дауыс берген –1.

Жабық дауыс берудің қорытындысы бойынша ҚР Парламентінің Мәжіліс Төрағасы болып Қабиболла Жақыпов тағайындалды», - дедi Есеп комитетiнiң төрағасы Асқар Базарбаев

Айта кетейік, ҚР Конституциясының 58 тармағының 1 бабы және ҚР Парламенті Мәжілісінің  166 регламент бөлігі бойынша Палата төрағасына қазақ тілін еркін меңгерген адамды   Мәжіліс депутаттары жабық сайлау арқылы таңдап алады.

Мәжіліс төрағалығына Палатаның депутаттары кандидатураны өздері  ұсынады.