Қазақстанның 2014 жылғы брендік компаниялары таңдалды - зерттеу
«2011 жылы біз конкурсты алғаш бастағанымызда бізде 49 қатысушы болды. 2014 жылы психологиялық рубежді артқа тастадық – бізде 100 ірі компания, олар конкурсқа қатысу үшін өтініш білдірді. Біздің қатысушылар – Қазақстанның барлық аймақтарының қатысуышлары. Сондай-ақ, жұмыс беруші компаниялардың саны үлкейді, екі есеге HR – жобалары өсті. Қатысушы-компаниялар Қазақстанның барлық саласынан жиналған. Бұл конкурсқа 50 жұмысшысы бар компаниялар бар, 52 785 адам бар компаниялар», - деді «Самұрық-Қазына» Адам ресурстары департаментінің директоры Г.Раисова.
Сондай-ақ, Қазақстанның жұмыс нарығындағы әлеуметтік сұралым қорытындысы талқыланды.
«Брендік компаниялардың көшін «Қазақтелеком», «ҚТЖ» АҚ, Ұлттық банк, «ҚазМұнайГаз» компаниясы бастады. Аталмыш компаниялар халық арасында өзіндік тұлғаға ие. Мәселен, «ҚТЖ» ҰҚ» АҚ, «ҚазМұнайГаз» және «Қазақмыс» компаниялары еңбекақыны жоғары төлейді деген дәрежеге ие, әлеуметтік пакеті жақсы, экологияны қорғайтын, әлеуметтік көмек көрсететін имиджі бар. «Қазатомпром», «KEGOC», «Air Astana» компаниялары: мықты жетекшілер, өз кадрларын дамытуға ден қойған», - деді ол.
Г. Раисованың айтуынша, Қазақстанда бір ұжымда бірнеше жыл жұмыс істеу тәжірибесі қалыптасқан. 82 пайыз адам өз жұмыс орындарын ауыстырғылары келмейтіндігі туралы айтты. Ал халықтың 79 пайызы жақсы жұмыс табу үшін өз тұратын аймақтарын өзгерткілері келмейді.
«Алайда, тек 34 пайыз респонденттің білімі аталмыш қызметке сай келеді, 66 пайыз адамдардың білімі қызметке сәйкес келмейді. Жұртшылықтың 70 пайызы өздерінің көңілінен шығатын мансап құра алмады. Егер де 12-13 пайыз жақсы жұмыс іздеу мақсатында елден кетуді көздесе, бұл жолы бұл сан 21 пайызға өсті. Бұл көрсеткіш жастар арасында байқалып отыр. Олар тек өз елдерінің төңірегінде ғана емес, шетелде де өскілері келеді», - деді Г. Раисова.
