G-global-дың ақпараттық-коммуникативті платформасында халықаралық сарапшылар мемлекеттік қызмет саласының мәселелерін талқылады
3 Сәуір, 2014 14:30
VII Астаналық экономикалық форумына және II Дағдарысқа қарсы бүкіләлемдік конференциясына дайындық шеңберінде ҚР Президенті жанындағы Мемлекеттік басқару академиясы ҚР Мемлекеттік қызмет істері агенттігімен, Астанадағы мемлекеттік қызмет саласы бойынша аймақтық хаб хатшылығымен және БҰҰ Қазақстандағы Даму бағдарламасымен бірлесіп «Мемлекеттік қызметтің ұжымын басқару: ахуалы мен перспективасы» тақырыбында G-global-дың ақпараттық-коммуникативті платформасында онлайн-конференция өткізді.
Академиядан хабарлағандай, шараның мақсаты тәжірибе алмасу, проблемаларды талқылау және карьералық жоспарлау және мемлекеттік қызмет ұжымының кәсіби дамуы бойынша ұсыныстарды, әдістеме мен қызметтің тиімділігін бағалау технологиясын, сонымен қатар мемлекеттік қызметкерлердің уәждемесін әзірлеу болды.
Онлайн-конференциясының қорытындысы Астанада 2014 жылдың 22 мамырында өтетін «Мемлекеттік қызметтің ұжымын басқару: ахуалы мен перспективасы» атты Жаһандық конференцияда жасалады.
Жалпы, онлайн-конференциясының соңына қарай қатысушылардың пікірі мен ұсыныстары есепке алына отырып мамыр айында өтетін Жаһандық конференцияда сөз сөйлейтін баяндамашы спикерлердің бағыттары белгіленді.
