ҚР Сенаторлары наным мен дін бостандығы бойынша БҰҰ арнайы баяндамашыларымен кездесті

2 Сәуір, 2014 17:15

ҚР Парламенті Сенатында Әлеуметтік-мәдени даму мен ғылым комитеті төрағасы Ақан Бижанов мен Конституциялық заңнама, сот жүйесі мен құқық қорғау органдары комитеті төрағасы Серік Ақылбаевтың наным мен діни бостандығы бойынша БҰҰ арнайы баяндамашысы Хайнер Билефельдтпен кездесуі өтті.

ҚР Парламенті Сенаты баспасөз қызметінің хабарлауынша, кездесу барысында «Діни қызмет және діни бірлестіктер туралы» Қазақстан Республикасының 2011 жылдың 11 қазанындағы жаңа Заңын іске асырудың тәжірибелік аспектілері, дін саласындағы қазақстандық заңнамалық базаны дамыту мен қазіргі жағдайы туралы ойларымен бөлісіп, діни бірлестіктер қызметі талқыланды.

Өз баяндамасында А.Бижанов тәуелсіздік алғаннан бастап Қазақстанның мемлекеттік саясаты мемлекеттің дінге құрметпен қарауына негізделген азаматтардың құқы мен еркіндігін сақтаудағы демократиялық құндылықтарға негізделді. Мемлекеттік саясаттың негізі Конституция болып табылады. Онда азаматтардың діни сенім алуандығына қарамастан еркіндіктері нақтыланып, мемлекет пен діннің екі бөлек екені туралы ұстаным қалыптасқан.

Сенатордың айтуынша, мемлекеттің діни сенімге деген құрметі Мемлекет басшысының мұсылмандық мереке Құрбан айттың бірінші күні мен православтық Рождествоның демалыс күндері етіп жариялау туралы Қаулысы.

Өз кезегінде С.Ақылбай «Діни қызмет пен діни бірлестіктер туралы» ҚР заңныың іске асырылу барысына тоқталып, елде діни қызметті құқықтық реттеу мәселесі жайлы мағлұмат берді.

Наным мен діни бостандығы бойынша БҰҰ арнайы баяндамашысы профессор Хайнер Билефельдт сентарларға Қазақстанға сапары барысында ҚР мемлекеттік орган, діни бірлестіктер, үкіметтік емес ұйым өкілдерімен кездескенін айтты. Сонымен қатар Астана мен Алматы қалаларында болып, Қарағанды облысына сапар шеккенін мәлімдеді. «Кездескен адамдардың барлығы Қазақстанда діни төзімділік пен келісімнің салтанат құрғанын айтты. Бұл менің баяндамамда ескерілетін болады», - дейді профессор.

Кездесу барысында тараптар Қазақстандағы діни саладағы заңнаманың жалпы халықаралық нормалар мен талаптарға сай келетінін айтысты. Сонымен қатар осы саладағы заңнаманы жетілдіру туралы ойларымен бөлісті.

А.Бижанов БҰҰ сарапшыларына «Діни қызмет пен діни бірлестіктер туралы» ҚР заңын дайындауға көмектескендері үшін алғыс білдірді.