Павлодарда Ұлы Отан соғысы ардагерлерінің пәтерлеріне Жеңіс күні қарсаңында жөндеу жұмыстары жүргізіледі

«Биыл қалалық бюджеттен Ұлы Отан соғысы ардагерлерінің пәтерлерін жөндеу үшін қалалық бюджеттен 70 млн теңге бөлінді. Осы қаражатқа бас-аяғы 70 үй жөнделеді. Солардың 40-ының жөндеу жұмыстары Жеңіс күніне дейін аяқталса, қалған 30 үйдің иелерінің өздерінің өтінішімен жөндеу жұмыстары жазға шегеріледі», - дейді Павлодар қалалық жұмыспен қамту және әлеуметтік бағдарламалар бөлімі жетекшісінің орынбасары Р.Сағынова.

Оның айтуынша, пәтерлерге жөндеу жұмыстары кезінде ардагерлердің барлық жағдайы ескеріледі.

Айта кету керек, 2013 жылы бюджет қаражаты есебінен ҰОС ардагерлерінің 142 пәтеріне жөндеу жұмыстары жүргізіледі.

«Сонымен қатар, Жеңіс күніне қарсы Ұлы Отан соғысының әрбір ардагері 69 АЕК немесе 127 мың теңге көлемінде бір реттік жәрдемақыға қол жеткізбек. Және де азық-түлік таратылымы ұйымдастырылады», - дейді Р.Сағынова.

Қазіргі таңда Павлодарда 226 Ұлы Отан соғысы ардагері бар көрінеді.