Байқоңыр ғарыш айлағынан «KazSat-3» жерсерігін ұшыру 28 сәуірге жоспарлануда

2 Сәуір, 2014 15:46

«Байқоңыр» ғарыш айлағынан Қазғарышқа бағынышты «Республикалық ғарыштық байланыс орталығы» АҚ тапсырысымен жасалған «KazSat-3» үшінші ұлттық геостационарлық байланыс пен хабар тарату жерсерігін ұшыру 2014 жылдың 28 сәуіріне жоспарлануда.

Қазақстанның Ұлттық ғарыш агенттігі (Қазғарыш) хабарлағандай, «KazSat-3» жерсерігін жасау бойынша жоба қазақстандық жерсеріктік байланыс пен хабар тарату жүйесін қалыптастыруда кезекті кезең.

24 наурызда қазақстандық жерсерік «KazSat-3» «Байқоңыр» ғарыш айлағына жеткізілді. Қазіргі таңда 92А-50 монтаждық-сынақ кешенінде ғарыш аппаратын алдағы ұшыру жұмыстарына дайындау жүріп жатыр.

Қазғарыштың мәліметіне сәйкес Астана уақыты бойынша 10:25 «Байқоңыр» ғарыш айлағының № 81 алаңынан «Бриз-М» үдеткіш блогы мен «Луч-5В» және «КазСат-3» екі ҒА бар «Протон-М» ғарыштық мақсаттағы ракетаның ұшырылуы жоспарланған.

Атап өтерлік жайт, «KazSat-3» жерсерігін жасау бойынша жоба қазақстандық жерсеріктік байланыс пен тарату жүйесін қалыптастыруда кезекті кезең. «KazSat-3» жерсерігі отандық телевизиялық хабар таратуды және интернет пен мәлімет таратудың тиянақталған байланысын қанағаттардыруға арналған.

Барлық жаңалықтар