ҚР Денсаулық сақтау министрі: Қазіргі таңда отандық клиникаларда жоғары технологиялық қызмет көрсету үшін мүмкіндіктер жасалған

Соның ішінде, шетелде емделуге байланысты сұрақтарға Министр шетелдерде емделуге кезекті азайту мақсатында Министрлік тарапынан  бірқатар шаралар қолданылып жатқанын айтты.Құрылған жұмыс органы шетелдік медицина ұйымдарымен телемедициналық консультация жүргізуде. Шетелдік медицина ұйымының пациентті емдеу туралы келісімі мен растауынан кейін емдеу бағдарламасы мен емделуге кететін шығынның калькуляциясы сұралады.Одан кейін шетелдік медицина ұйымдары таңдалып, Комиссияның қарауына қорытындысы беріледі.

Ведомствода хабарлағандай, Салидат Қайырбекова ағзалар мен тіндерді трансплантациялау үшін пациенттерге жолдама беру  қаражатқа емес, іздестіруге 6 айдан 2-3 жыл аралығында уақытты қажет ететін лайықты донордың табылуына байланысты  екенін ерекше мән беріп айтты.

Егер бұрын кезектегі пациент трансплантациялауға жолдаманы өзінің алдындағы пациенттің органдарын ауыстырғаннан кейін алса, енді Министрлік қабылдаған шараларға сәйкес трансплантациялауға кезекте тұрған барлық пациенттер бір уақытта емдеудің 1-ші кезеңі – тексеруден өткізіліп, донорды іздестіру басталады.

Донор табылған жағдайда пациент екінші кезең –ағзалар мен тіндерді ауыстыруға жолданады.Қазіргі таңда отандық емханаларда жоғары технологиялық қызмет көрсету үшін елімізде мүмкіндіктер жасалған.

Жетекші шетелдік емханалармен және күрделі операцияларды өткізу үшін елімізге келуге дайын, өз кезегінде отандық кадрлардың әлеуетін арттыруға қабілетті мамандармен байланыс орнатылды.