Өскеменде «Қазақстан балаларының әріптестігі» атты дөңгелек үстел өтті

Үкіметтік емес ұйым, саяси партиялар, жастар ұйымы өкілдері өмірлік қиын жағдайларға ұрынған балаларға әлеуметтік беймдеу жұмыстарын көрсетуге бағытталған бастамаларды талқылады.

 «Қоғамның әлсіз мүшелері ретінде балалар толыққанды даму үшін барынша қолайлы жағдай жасалған арнайы заңнамалық және әлеуметтік механизміне тұрақты түрде мұқтаж. Қазақстан балаларының әлеуетінің артуы елдің дамуындағы стратегиялық жоспарларды құру барысында басым бағыттардың бірі болуы керек. Біздің елімізде 5 млн-дай бала өмір сүреді. Осы орайда Қазақстандағы бала құқын қорғау жүйесі өте күрделі және негізгі міндетін атқара алмай отыр. Қатыгездікке ұрынған қатер тобындағы балаларды анықтау қызметі жоқ. Отбасы мен балаға қатысты бірде-бірәлеуметтік саясат жоқ», - дейді «Қазақстан-2050» қозғалысы қатысушысы, «Бала отбасында өмір сүруі керек» қозғалысы кеңесінің төрағасы Шолпан Байболова.

 Айта кету керек, қазіргі таңда «Бала отбасында өмір сүруі керек» және «Қазақстан-2050» жалпыхалықтық қозғалысының бастама тобы мемлекеттік органдармен бірігіп күрделі өмірлік жағдайларға түскен балаларды бейімдеудің қолданыстағы саясатын реформалау жүйесін дайындауда.

 «Елімізде жұмыс істеп тұрған жүйе айтарлықтай ескірді, ең бастысы, балалар үйі мен өзге де интернатты мекемелердің тәрбиеленушілерін әлеуметтендіруге мүмкіндік береді», - дейді «Қазақстан-2050» қозғалысы кеңесінің төрағасы  Данат Жумин.

Сол себепті қоғамдық институтқа негіз ретінде отбасына көмек пен балаларды қолдауға жалпы қоғамның қамқорлығын ұйымдастыруға бағытталған шаралар кешенін құру қажет екенін айтады Данат Жумин.