Астанада қарттар мен мүгедектерге әлеуметтік қызмет көрсету кезінде инновациялық амалдарды қолдану жайы талқыланады
Астана қаласының жұмыспен қамту және әлеуметтік бағдарламалар басқармасының хабарлауынша, конференцияда әлеуметтік саясаттың негізгі тенденциялары талқыланады, сондай-ақ әлеуметтік сақтандыру және энергияның баламалы көзін енгізу, «жасыл» технология салалары бойынша нормативті-құқықтық базаны жетілдіру мәселелері де қаралады.
Айта кетерлік жайт, іс-шараға орталық және атқарушы органдардың басшылары мен мамандары, ұйымдардың, мекемелердің, оқу орындары мен әлеуметтік бағыттағы үкіметтік емес ұйымдардың, қарттар мен мүгедектерге арналған медициналық-әлеуметтік мекеменің, «Нұр Отан» партиясының өкілдері қатысады деп күтілуде.
Сонымен қатар, ғылыми-тәжірибелік конференция жыл сайын өткізілетін әлеуметтік қызмет саласында инновациялық жаңалықтарды ашатын және енгізетін алаң болып қалады, деп хабарланды.
