Атырау қаласында жұмыспен қамту бағдарламасы бойынша 250 мүгедек жұмысқа орналасты

Жалпы, бұлардың ішінде тұрақты жұмысқа тұрғандары – 84, уақытша жұмысқа 85 адам орналасты. Ал, кәсіби оқуға жіберілгендері – 9. Жастар тәжірибесінде 18 адам еңбек етуде, деп облыс әкімдігінде хабарлады.

Мұның өзі бұл адамдардың қоғамның қай саласына болсын араласып, еселі еңбек етуге қабілетті екендіктерін көрсетеді.                                          

 Атырау қаласы бойынша бүгінгі күні әр топтағы 6277 мүгедек есепте тұр. Олардың ішінде 1365-і еңбекке жарамды болып саналады. Зерделеу бойынша 954 адам тұрақты жұмыспен қамтылған.

Мүмкіндіктері шектеулі жандарды жұмысқа орналастыруға байланысты  әр тоқсан сайын жәрмеңкелер өткізу  жоспарланған.