Е.Қарин: ҚР-дағы радикалды топ мүшелерінің 56%-ында тек орта білімі туралы аттестат болды

«Қазақстандағы радикалды топ мүшелерінің 56%-ының тек орта білімі туралы аттестаты болған. Мысалға, «Терроризм» бабымен сотталғандардың біреуінің бар болағаны 4 сыныптық білімі бар. Лаңкестік топтарға араласқандардың үштен бірі ғана орта кәсіптік (16%) және жоғары білімге (18%) ие», - дейді Е.Қарин.

Оның айтуынша, аз ғана бөлігі, яғни 6%-ы арнайы діни оқытудан білім алған.

«Бұл дегеніңіз радикалистердің негізгі бөлігі тиісті діни білімге ие емес екендігінен хабар береді», - дейді саясаттанушы.

Сонымен қатар, Қазақстанда қызмет ететін негізгі топтардың криминалдық сипатқа ие екені анық.

«Негізінен көпшілік топтар құқық қорғау қызметкерлерінің назарына қарапайым криминалдық істерімен көрініп қалған. Мысалға, әлдебір топ облыс орталығындағы азық-түлік дүкенін тонау барысында құқық қорғау қызметкерлерінің назарына іліккен. Шабуыл нәтижесінде 8 мың теңге мен бірнеше қорап сағыз ұрланған», - дейді Е.Қарин.