Қазақстанда лаңкестікті жоспарлау себептерін анықтау бойынша зерттеу жүргізілді

«Лаңкестік әрекет себептері мен факторларын анықтау үшін біз үлкен зерттеу жұмысын жүргіздік. Өткен жылдың қарашасы мен ағымдағы жылдың наурыз айы аралығында Бағдарлама қауіпсіздігі бойынша орталығымен зерттеу жұмыстары жүргізілді. Ол 10 жыл бойы жұмыс істеп келе жатқан тәуелсіз, мемлекеттік емес ұйым. Зерттеу 3 кезеңнен тұрды. Бұл өте маңызды, себебі кез-келген зерттеу жұмыстарында әдістемелік құрал аса маңызды»,  - деп Е. Қарин атап өтті.

Оның айтуынша, қауіп-қатердің масштабтарын білу үшін лаңкестік әрекетке қандай да бір қатысы бар 300-ден астам адамдардың мәліметтерін зерттедік. Дәлірек айтатын болсақ, 227 адамның мәліметтері сараланды, оның 150 жауапқа тартылғандар. Сонымен қатар, экстремистік қызметке қатысы бар қылмыстық істе аты аталған 77 тұлғанын мәліметтері зерттелді.

«Біздің пайымымызша, лаңкестік топтар арасында өзара байланыстар жоқ. Алайда, зерттеулер нәтижесі бойынша радикалды топтар өзара көлденең әрекеттескен. Яғни, олар бір-бірімен оқуға барған немесе жұмыс істеген және жай өзара таныс болған. Айта кетерлік жайт, Қазақстан территориясында жұмыс істеген мұндай топтарда шешім қабылдайтын және лаңкестік әрекеттерді  бірыңғай жоспарлау орталығы болмаған. Тіпті, тұрақты қаржыландыру көзіде болмапты», - деп Е. Қарин түсіндіріп өтті.