2014 жылдың мамыр айында «Astana Startup Weekend» болашағы зор жобаларды таңдайды (сурет)

1 Сәуір, 2014 12:05

Бүгін «Технологиялық бизнес инкубациялау» байқауына арналған баспасөз-конференцияда, 2014 жылдың мамыр айында «Astana Startup Weekend» болашағы зор жобалар таңдалады, деп «Астана Innovations» АҚ басқарушы директоры Досжан Досымқұлов хабарлады.

«Ағымдағы жылдың мамыр айына «Astana Startup Weekend» жоспарладық. Бұл іс-шара жыл сайын өткізіледі және онда болашағы зор стартап жобаларды таңдап алу үшін түрлі іс-шаларға қатыстырылатын ұйымдар мен компаниялар іріктеліп, қатыстырылады», - деді Д. Досымқұлов.

Оның айтуынша, бұл шарада үздік идея мен жоба үшін болашақта «Астана Innovations» негізінде инкубациялау үшін арнайы гранттар беріледі.

«Бұдан басқа, «Астана Innovations» жанынан жыл бойы таңдау жасалады, яғни жұмыс тоқтатылмайды. Бірінші кезекте біз жобалардан инновациялық құрамды күтеміз. Демек, ол Астана қаласының тұрғындарының арасында сұранысқа ие болуы керек. Біздің күтуіміз бойынша бұл конкурсқа физикалық және заңды тұлғалар бірдей қатысады. Яғни, бұл мәселеге келгенде біз ешқандай шектеу қоймаймыз», - деп Д. Досымқұлов ағынан жарылды.

Айта кетерлік жайт, «Астана Innovations» АҚ тұрақты түрде сарапшылар кеңесіне ұсыну үшін инновациялық жобалардың пулын құрады.