«Астана Innovations» АҚ құрылғанынан бастап 11 жобаны іске асырды – Е.Айтбаев

«Қазіргі таңға дейін 2011 жылдан бастап Астана қалалық әкімдігінде 118 өтініш жиналып, соның 11 жобасы қазіргі таңда іске асырылған. Енді 5-еуі орындалып жатса, 4-еуіне қаржыландыру жұмыстары жүргізілуде. Айта кету керек, аталмыш уақыт аралығында 15 стартап компания құрылса, соның -11-і Қазақстан нарығына еркін енген», - дейді Е.Айтбаев.

Оның айтуынша, «Астана Innovations» базасында инновациялық менеджмент пен отандық және шет елдік сарапшылардың қатысуымен жобаларды басқару негіздері бойынша тұрақты түрде дөңгелек үстелдер, тренингтер, лекциялар ұйымдастырылатын бизнес-инкубатор жұмыс істейді.

«Аталмыш шараның мақсаты – алдағы уақыттағы коммерциялау үшін жас және талапты адамдарды идеяның айналасына шоғырландыру», - дейді.

Сонымен қатар бизнес-инкубатор базасында негізінен бағдарламалық қамтамасыз етуді енгізу мен өндіріс, энергияүнемдеу, медицина мен косметология және өзге де салалардағы жұмыстарға бағытталған жобалар сәтті даму үстінде.