Ақмола облысының студент –аграрилері ЖОО мен жұмыс берушілерге серіктестікті енгізуді ұсынуда

Ақмола облысының әкімі Қосман Қайыртайұлы Айтмұхаметовтың  «Жастар - қоғамның қозғаушы күші және белсенді буыны» тақырыбындағы жастармен кездесуі өтті.

Облыс әкімдігінің баспасөз қызметінде хабарлағандай, әкімнің жастармен осындай кездесулері дәстүрге айналып келеді. Іс-шара «ток-шоу» түрінде өткізілді. Кездесу барысында облыс әкімі жиналғандарға  жастарға қолдау көрсетуге бағытталған мемлекеттік бағдарламалар жайлы, облыс әкімдігінің жастар саясаты саласында атқарып отырған қызметі туралы айтты.

Ауыл шаруашылық факультетінің студенттері жұмыс берушілер мен оқу орындарының оқу бітірушілерді жұмысқа орналастыру мәселелері жөніндегі әлеуметтік серіктестігін тәжірибеге енгізу, әкімдік, жоғары оқу орындары және облыстың ауыл шаруашылық құрылымдары арасында үш жақты меморандумдар жасасу жөнінде ұсыныс берді.

Сонымен қатар, өңір басшысы жастар мен жас отбасыларға тұрғын үй бөлу, жастар мен мүмкіндігі  шектеулі азаматтардың жұмысқа орналасуы, «Болашақ» бағдарламасы бойынша білім алу, «ЕХРО-2017» көрмесінің Қазақстанда өтуі, сыбайлас жемқорлықпен күресу, тағы да басқа  мәселелерге қатысты   жастардың  қойған   түрлі  сұрақтарына жауап берді. Жастардың қойған сұрақтары олардың елде болып жатқан қоғамдық-саяси оқиғалардан хабардар екендігін және олардың  ел өмірі мен өңір тынысына зор қызығушылық білдіретіндіктерін көрсетті.