• Басты
  • Жамбыл облысында 15 білім беру нысаны салынады

Жамбыл облысында 15 білім беру нысаны салынады

1 Сәуір, 2014 10:00
2014 жылы Жамбыл облысында 15 білім беру нысанын салу жоспарланған.

Облыс әкімдігінің хабарлауынша, жалпы биылғы жылы өңірде 27 білім беру ныснанының құрылысы жүргізіліп жатыр, соның 15-і биыл пайдалануға берілмек. Атап айтар болсақ олар 6 мектеп, 8 балабақша мен 1 колледж. Аталмыш жобалардың жалпы құны 9,5 млрд теңге. Жаңа мектептердің ашылуымен 5 апаттық жағдайдағы мектептердің мәселесі шешіледі.

2015 жылы облыста тағы 10 мектеп пен 2 балабақша ашылмақ. Олардың жобалық құны 6,3 млрд теңге. Осылардың нәтижесінде облыстағы барлық 10 апаттық мектептің мәселесі шешілмек.

Сонымен қатар, республикалық бюджеттік комиссия Жамбыл облысындағы тағы 5 білім беру нысанының құрылысын қолдап отыр. Атап айтар болсақ олар 4 балабақша, 1 мектеп. Қазіргі таңда жобаның жалпы құны нақтылануда. 

Барлық жаңалықтар