Қазақстанда дәрігерлерге арналған кәсіби әлеуметтік желі пайда болды

1 Сәуір, 2014 09:30

Қазақстандық дәрігерлерге арналған әлеуметтік желі пайда болды. Ол мамандарға елдің түпкір-түпкіріндегі әріптестерінен кеңес алып, белгілі бір тақырыптарды талқылауға қатысуға, ақпаратпен алмасып, мақала, ғылыми материалдарын жариялауына мүмкіндік береді.

Отандық дәрігерлерге арналған «еdariger.kz.» әлеуметтік желісі шетелдік «врачи РФ», «мedрublika.ru», «еvrika.ru», «israeldoktor.com», «medcitynews.com» сынды порталдарына ұқсас. Кәсіби әлеуметтік желінің жұмысы жақында ҚР ДСМ Республикалық денсаулық сақтауды дамыту орталығына берілді6 деп ведомствода хабарлады.

Интернет-ресурс дәрігерлердің кәсіби біліктілік санатын алу кезіндегі мақалалар жариялауына мүмкіндік береді деп жоспарланып отыр. Себебі мамандардың жазған мақалалары сайтта тегін жарияланып, қоғам назарына ұсынылады.

Ұйымдастырушылардың айтуынша, әлеуметтік желінің тек дәрігерлер үшін ғана емес, халық үшін де пайдасы зор. Себебі қалаған адамдар медициналық ұйым, дәріхана мен Қазақстанда тіркелген дәрі-дәрмектер жайындағы ақпаратты аталмыш сайттан таба алады.

Барлық жаңалықтар