ШҚО-да 2014 жылы 54 млн доллардың ЖЭС құрылысы басталады

31 Наурыз, 2014 16:44

Энергетика және тұрғын үй-коммуналдық шаруашылығы басқармасының жетекшісі Айтқазы Шерубаев ШҚО жоспарланып отырған 54 млн долларлық жел электр станциясы құрылысы туралы айтты.

«Қазақстанда ел аумағының 2 пайызын алатын 50 мың шаршы шақырым жердегі жыл бойғы желдің орташа жылдамдық көрсеткіші 7 м/с-тан асады. Жалпы, Қазақстандағы жылдық жел қуаты әлеуеті 1,8 трлн кВт/сағ деңгейінде бағаланады. ШҚО-да бірнеше қуат өндіру орындарының бар екеніне қарамастан энергия тапшылығы 1,8 млрд кВт/сағ шамасын құрайды. 2014 жылғы ең ірі жобалардың бірі ШҚО-да Өскемен қаласы жанындағы Ұлан ауданы Тайынты ауылындағы ЖЭС құрылысы болмақ. Тайынтыдағы жел энергия станциясы 2010 жылдан бастау алды. Жобаның жалпы құны 54 млн доллар. Әзірге жел паркінің жоспарланған қуаты 24 МВт-ты құрайды», - дейді А.Шерубаев.

Оның айтуынша, жоба инвесторлары «SPAIN CONSULTING» және EPG SL испан инженерлік компаниясы секілді ірі кәсіпорындар болмақ. Бас мердігер HIDROCHINA, GRUPO ACS, SEMI SA корпорациялары.

Құрылыс жұмыстары 2014 жылдың көктеміне жоспарланған. 2015 жылы толықтай аяқталмақ.

Сонымен қатар, 2014 жылы өңірде Зырян ауданындағы Түгіскен өзенінде шағын СЭС құрылысы жоспарланған. Оның қуаты 24,9 МВт болмақ.

«Бүгінде баламалы қуат көздерін пайдалану өте маңызды рөлге ие болып отыр. Бұл болашақтың қуатын қалыптастыратын бірден бір сала. Осы орайда Қазақстан көптеген мүмкіндіктерге ие», - дейді А.Шерубаев.

Барлық жаңалықтар