ҚР-да экономикалық белсенді халық үлесі 76 мың адамға артты - Статистика агенттігі

«Республика экономикасында 2013 жылғы наурызда 8,6 млн. адам жұмыспен қамтылды. Өткен жылғы сәйкес кезеңге қарағанда олардың саны 76,3 мың адамға немесе 0,9%-ға көбейді», - делінген агенттік мәлімдемесінде.  
Сонымен бірге, жалдамалы қызметкерлердің саны аталған кезеңде 5,9 млн. адамды құрады, бұл жұмыспен қамтылғандардың жалпы санынан 69,5%-ды құрайды.
Статистика агенттігінің мәліметінше, 2013 жылғы наурызда жұмыссыздар саны бағалау бойынша 474,3 мың адамды, жұмыссыздық деңгейі 5,3% құрады.

Өз алдына, Қазақстан Республикасы Еңбек және халықты әлеуметтік қорғау министрлігінің жұмыспен қамту органдарында 2013 жылғы наурыз айының соңына 56,1 мың адам «Жұмыспен қамту бағдарламасы-2020» қатысатындар құрамына енгізілген тұлғалардың есебінсіз ресми тіркелген. 
Айта кету керек, тіркелген жұмыссыздар үлесі экономикалық тұрғыдан белсенді халықтың 0,6%-ын құрады, 2012 жылдың наурызда бұл көрсеткіш 0,7% деңгейінде болды.