ҚР Сенаты 4 ратификацияны қарайды

31 Наурыз, 2014 15:00

Бүгін Қасым-Жомарт Тоқаевтың төрағалығымен Қазақстан Республикасы Парламенті Сенатының Бюро отырысы өтті.

Бюро мүшелері биылғы жылдың 3 сәуірінде өтетін алдағы Палата отырысының күн тәртібін қарады, деп хабарлады Сенаттың баспасөз қызметі.

Жиында мына құжаттарды ратификациялау жоспарланған: апаттық-құтқару қызметі мен құрылымының мемлекетаралық шекарасының қарапайымдатылған тәртібі туралы 1994 жылдың 28 наурызындағы өнеркәсіптік апаттар, табиғи апаттар мен оқыс оқиғаларды ескерту мен оның қардаптарын жою саласындағы әріптестік туралы қазақстан-ресейлік үкіметаралық келісім Хаттамасы; табиғи апаттар мен төтенше жағдайлардың қауіптік деңгейін төмендету бойынша орталық құру туралы қазақ-қырғыз үкіметаралық келісімін құру; 2008 жылдың 12 желтоқсанындағы тарифтік жеңілдікті қабылдау механизмі мен шарттары туралы Келісімге өзгерістер мен толықтырулар енгізу туралы Хаттама; 1928 жылдың 22 қарашасындағы халықаралық көрме туралы Конвенция, 1948 жылдың 10 мамырындағы, 1966 жылдың 16 қарашасындағы, 1972 жылдың 30 қарашасындағы Хаттамалар мен оған 1982 жылдың 24 шілдесіндегі және 1988 жылдың 31 мамырындағы Түзетулер.

Сенат комитеті өкілдері Палата отырысының қарауына аталмыш заң жобаларының дайындығы барысы туралы мәлімдеді.