ЭБЖМ басшысы мен Азия Даму Банкінің вице-президенті АДБ жетекшілер кеңесінің отырысына дайындық жайын талқылады
31 Наурыз, 2014 14:45
ҚР Экономика және бюджеттік жоспарлау министрі (Қазақстан тарапынан АДБ басқарушысы) Ерболат Досаев Азия Даму Банкінің Вице-президенті Венчай Жангпен кездесу барысында Азия Даму Банкінің Басқару кеңесінің жыл сайын өтетін 47-ші отырысына дайындық барысы жөнінде талқылады.
Ведомствода хабарлағандай, тараптар екі жақты ынтымақтастықтың болашағы мен бірлескен жобаларды іске асыру жөнінде пікір алысты.
Азия Даму Банкінің жыл сайын өтетін 47-ші отырысы ағымдағы жылдың 2-5 мамыр аралығында Астана қаласында «Жаңа Жібек Жолы - ауысыпалы әлемдегі Азия мен Еуропаны жалғаушысы» тақырыбында өтеді.
Айта кетейік, тікелей қарыз және техникалық жәрдем беру жолдары арқылы Азия мен Қиыр Шығыстағы экономиканы жетілдіру мақсатында 1966 жылы АДБ құрылды. 1994 жылы АДБ құрамына кіргеннен бері Қазақстан ауылшаруашылық, білім, қаржы, көлік, су және т.б. салаларға 3,2 млрд. АҚШ доллар көлемінде суверенді және суверенді емес несиелер алды.
