Біз Президент идеясының негізінде бірігуіміз керек – ҚХА мүшесі А.Бузыкин
«ҚР Президентінің кезекті Жолдауымен өте мұқият танысып шыққаннан кейін біз Нұрсұлтан Назарбаевтыың барлық қазақстандықтардың өмір сүру деңгейін арттыру жолында ауқымды шаралар атқарып жатқанын көрдік. Барлық қоғамдағы жетістік сол елдің экономикасына байланысты екені белгілі. Сол себепті осы бағытқа аса ерекше маңыз аударылған. Бірінші кезекте өндіріс саласының алдағы уақыттағы даму болашағына көңіл аударылған. Мұнда да негізгі басымдылық экономиканы жаңғыртудың жолы ретінлде индустриялды-инновациялық жобаларды іске асыруға беріледі. Осы орайда Президент ауылдарды жан-жақты қолдаудың қажеттілігін атап өтті. Жұмыссыздық мәселесін шешу жолдарын қарастыру аясында ауылдарда сапалы білім беру, жұмыспен қамту мен кәсіпкерлікті дамыту шаралары қолға алынбақ», - дейді Александр Бузыкин.
Өз сөзінде қоғам қайраткері Нұрсұлтан назарбаевтың халыққа үндеуінде бүгінгі әлем мен барлық мемлекттерге жаһандық қатерлер мен қауіптерге дайындық пен жауап дайындау қажеттілігін айтқанын тілге тиек етті. «Қазақстан-2050» Стратегиясын орындай отырып біз экономиканы нығайтамыз, қоғам тұрақтылығын қаматамсыз етіп, халықтың әлеуетін арттырамыз.
«Қазақстан халқы Ассамблеясының мүшесі ретінде мына бір маңызды жерге тоқталғым келеді. Мемлкет басшысының бағдарламаларын сәтті іске асыра білу үшін барлық қазақстандықтар «Қазақстан-2050» Стратегисын басты құрал ете отырып елдегі бейбітшілік пен татулықты сақтай білуіміз керек. Нұрсұлтан Назарбаев осынау бейбітшілік пен қоғамдағы тұрақтылықтың болмайынша мемлекеттің бір қадам да алға жылжи алмайтынын жиі айтатыны белгілі. Сол себепті бейбіт және жайлы болашақты қалайтын барлық қазақстандықтар біздің Президентіміздің идеясы айналасына топтасуымыз керек. Ал бейбітшілігіміз бен ынтымағымызға нұқсан келтіретін бұзық ойлыларға тиісті жауап беруіміз керек», - дейді А.Бузыкин.
