• Басты
  • Қызылорда облысының әлеуеті Елбасы қойған тапсырмаларды шешуге мүмкіндік береді - ҚР Премьер-Министрі
27 Наурыз, 2014 17:30

Қызылорда облысының әлеуеті Елбасы қойған тапсырмаларды шешуге мүмкіндік береді - ҚР Премьер-Министрі

Қызылорда облысына жұмыс сапары барысында ҚР Премьер-Министрі Серік Ахметов өңірдің әлеуметтік-экономикалық дамуы мәселелері бойынша кеңес өткізді.
Қызылорда облысының әлеуеті Елбасы қойған тапсырмаларды шешуге мүмкіндік береді - ҚР Премьер-Министрі

ҚР Үкіметінің ресми порталы хабарлағандай, ағымдағы даму туралы облыс әкімі Қырымбек Көшербаев баяндады.

 «Үстіміздегі жылдың қаңтар-ақпан айларында өңдеу өнеркәсібінің өсімі 20-дан астам пайызды құрады. Индустрияландыру картасы шеңберінде облыста 152 млрд. теңгенің 24 жобасы жүзеге асырылып жатса, оның 13-і бүгінгі күнге жоспарлы қуатына шықты»,-деп хабарлады Қ.Көшербаев.

Сондай-ақ кеңесте Министрліктер мен ведомстволар, Ұлттық компаниялар басшылары сөйледі.

Кеңесті қортындылай келе, Серік Ахметов Мемлекет басшысының Қазақстан халқына жолдауында Үкімет пен облыстар әкімдері алдына шешімі еліміздің және аймақтардың ырғақты дамуына ықпал ететін нақты тапсырмалар қойғанын атап көрсетті.

«Президент 2050 жылға дейінгі ұзақ мерзімді бағдарлармен қатар дамудың барлық басым бағыттары бойынша нақты қадамдарды анықтап берді. Айрықша назар индустрияландыруды күшейтуге, еліміздің агроөнеркәсіптік кешенін инновациялық жолға қоюға, шағын және орта бизнесті дамытуға аударылады. Біз бүгін облыстың Мемлекет басшысының барлық тапсырмаларын орындауға мүмкіндіктері мен қорының жеткілікті екеніне тағы бір көз жеткіздік»,-деп түйіндеді ҚР Премьер-Министрі.

Кеңес соңында Қызылорда облысы әкімдігі мен «Астана ЭКСПО-2017» ҰК» АҚ арасында ынтымақтастық туралы Меморандумға қол қою ресімі өтті. Құжатқа облыс әкімі Қырымбек Көшербаев пен компанияның басқарма төрағасы Талғат Ермегияев қол қойды. 

Меморандум бірқатар бірлескен іс-шараларды жүзеге асыруды, инфрақұрылымдарды жаңғырту мәселелеріндегі өзара іс-қимылды, туризмді дамытуды, көлік логистикасын және басқа да көптеген шаралар ұйымдастыруды қарастырады.

 

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды